Ginpahayag ni U.S. President Donald Trump ang temporaryo nga pagpahamtang sang Estados Unidos sang kontrol sini sa Venezuela matapos nga ma-arestar si Presidente Nicolás Maduro sa ginpatigayon nga operasyon kag magaatubang sa New York sa mga kaso may kaangtanan sa drug trafficking.
Suno kay Trump, temporaryo nga pagadumalaan sang U.S. ang pungsod tubtob matigayon ang isa ka luwas kag maayo nga transisyon.
Gina-alegar nga plano man nga magsulod ang mga kompanya nga Amerikano agud kay-uhon ang guba nga oil infrastructure sang Venezuela.
Apang, ginpakamalaot sang pila ka kritiko ang nasambit nga tikang kag ginpahayag nga gina-usar lang ang oil rehabilitation plan agud itago ang operasyon batok kay Maduro kag ang mga missile strike nga gintunaan sang kamatayong sang pila ka mga sibilyan.
