-- ADVERTISEMENT --
Boluntaryo nga nagsungka sa Tantangan MPS ang suspek sang pison nga nakaligid sa isa ka senior citizen sa Brgy. Cuyapo, Tantangan, South Cotabato.
Ini ang nangin pahayag ini ni PMaj. Romeo Albano, Jr., Chief of Police sang Tantangan Municipal Police Station, sa interview sang Bombo Radyo Koronadal.
Suno kay PMaj. Albano, halin sa simbahan ang biktima kag pauli na sa ila puluy-an sang maligsan siya sang pison nga kasamtangan nagatapan sang aspalto sa bahin sang highway sang nasambit nga barangay.
Dugang pa niya, wala nakatalupangod ang driver sang nagtabok sang pedestrian sa likod sang ginatapan nga kalsada, bangud closed road ang area.
Sa karon, wala pa sang impormasyon kun magapasang-at sang kaso ang pamilya sang biktima batok sa driver.
