Nasunog sang Sabado sang aga ang ikatlo nga palapag sang Senate Building sa Pasay City.

Mga alas 6:30 sang aga nagsugod ang kalayo kag dayon nag-abot sa second alarm matapos ang halos tunga nga oras. Dason nga nagresponde ang mga firetruck kag mga fire volunteers agud mapatay ang sunog kag maluwas ang mga empleyado sa sulod sang building.

Natabunan sang madalom nga aso ang ikatlo nga palapag samtang ginatukiban pa sang Bureau of Fire Protection (BFP) ang ginhalinan sang insidente. Mga alas 8:20 sang aga, ginpahayag nga fire out ang sunog matapos ang halos duha ka oras nga operasyon.

Wala pa sang kompleto nga report kon may napilasan ukon pila ang kantidad sang ka guba sa building.

Padayon pa ang imbestigasyon sang mga otoridad agud mahibaluan ang rason sang sunog kag masiguro ang seguridad sa Senado.