Magatakop na ang isa ka makasaysayan nga chapter sang iya karera sang Portuguese football icon nga si Cristiano Ronaldo pagkatapos nga gin-anunsyo ang iya pagretiro sa international football pagkatapos sang 23 ka tuig bilang kabahin sang Portugal national team.
Sa edad nga 41, si Ronaldo nangin isa sa pinakamadinalag-on nga player sa maragtas sang international football, nga nagahupot sang rekord nga 146 ka mga goal sa kabug-usan nga 234 ka mga pag-entra para sa Portugal halin sang naghimo sang iya debut sang 2003.
Ang indi malipatan nga kadalag-an sang superstar amo ang UEFA Euro 2016 title sang Portugal kag duha ka UEFA Nations League championships sang 2019 kag 2025.
Naghatag man sang pasidungog ang Portuguese Football Federation sa kontribusyon sang ila kapitan sa isa ka post sa Social Media nga may mensahe, “A story that will last forever. Thank you for everything captain.”
Sa pagtapos sang iya internasyonal nga karera, ang ngalan ni Ronaldo masulat sa maragtas sang Portuges bilang isa ka player nga nagdala sang himaya sa iya pungsod sa sulod sang kapin sa duha ka dekada.
