Obligado ang tanan nga personnel sang South Cotabato Provincial Hospital nga mag-uniporme kag magsuksok sang ARTA ID agud pasudlon sang mga gwardya.
Ini ang nangin pahayag ni Eleuterio Nodado, Chief of the Provincial Security Unit, sa inteview sang Bombo Radyo Koronadal.Suno kay Nodado, ila ini igapatiman agud indi na maliwat ang natabo nga isyu angot sa babae nga suspek nga nagkuha sang bata sa sulod sang balay-bululngan.
Suno pa sa iya, wala na ginasulat sa logbook ang mga pasyente kag watchers nga naga sulod sa balay-bululngan tungod posible nga maubos ukon mapuno ini sa sulod sang isa ka adlaw ang logbook, apang may ara sila sang alternatibo nga paagi agud mamonitor ang mga ini amo ang pagbutang sang tag nga nagapahibalo nga ang isa ka tawo amo ang isa ka watcher sang pasyente.
Dugang niya pa kinahanglan isa lang ka watcher ang dapat yara para sa kada pasyente.
Madumduman tatlo ka gwardiya nga naka-duty ang gin-relieve sa pwesto bangod sa kakulangan sang ila pagbantay.
