Gin-awhag sang Malacañang ang publiko nga respetuhon ang desisyon sang Korte Suprema sa articles of impeachment batuk kay Vice President Sara Duterte.
Una na nga gindeklarar sang Korte Suprema nga unconstitutional ang articles of impeachment nga ginsang-at batuk sa bise bangud sa paglapas sini sa one-year ban rule.
Suno kay Palace Press Officer Undersecretary Claire Castro, sa subong wala pa nila ma-review ang bug-os nga desisyon sang High Court.
Suno sa iya, ginakilala sang Palasyo ang kahilwayan sang lehislatibo kag hudikatura nga nagauyat sa proseso sang impeachment.
Ginakilala man sini ang ila nga kahilwayan sa pagsabat kag pagtungod sang ila mga mandato sa konstitusyon.
Kun madumduman, ginpahayag ni SC spokesperson Atty. Camille Ting nga wala sang hurisdiksyon ang senado para sa pagpatigayon sang impeachment proceedings bangud sa paglapas sang one-year ban rule.
Gin-athag man sang SC nga wala sini ginahilway sa sala si Duterte sa mga reklamo nga ginpasaka batuk sa iya.
