Gin-ako ni President Ferdinand Marcos Jr. nga nadismaya ang aton mga pumoluyo sa kapabayaan sang serbisyo sang gobyerno bangud indi nila mabatyagan ang epekto sini.
Ang pahayag sang Presidente nagabase sa iya mga natun-an halin sa nagligad nga eleksyon.
Ginpahayag sang Presidente nga sa baylo sang kabudlay sang serbisyo sang gobyerno, nagsawa man ang mga tawo sa magahod nga pulitika.
Ginsiling sang Presidente nga bisan siya mismo nabudlayan sa kabudlay sang mga proyekto, labi na gid sa transportasyon, gani dapat lang padasigon ang mga proyekto nga may madugay nga epekto para sa kaayuhan sang publiko.
Isa sa ila ginatutukan kag ginahatagan sang prioridad amo ang turismo, ikaayong lawas, kag ang mga daku nga proyekto sa transportasyon.
Handum sang Presidente nga mangin mas komportable ang pagbyahe sang aton mga pumoluyo.
Subong nga tapos na ang eleksyon, ginapanawagan sang Presidente nga untatan na ang binatuanay sang mga akusasyon kag ini na ang tion para magpangabudlay para sa kauswagan sang pungsod.
Ginsiguro ni Presidente Marcos sa aton mga pumoluyo nga himuon sang gobyerno ang tanan agud mag mag-an ang kabuhi sang mga Pilipino.
Gintagaan ligwa ni Presidente Marcos nga sila nga yara sa mataas nga posisyon sa gobyerno handa magpamati sa mga reklamo kag hinanakit sang pumuluyo.
Nag-promisa man ang Presidente nga pagahimuon nila ang mga madali nga solusyon para mapahagan-hagan ang kabudlayan sang aton mga katawhan.
