Nadakpan sang mga otoridad ang lima ka lalaki nga ginasuspetsahan nga armado sa Barangay Kematu, T’boli, South Cotabato sang Mayo 10, 2025, sa tunga sang gab-i pasado alas-11.
Suno sa impormasyon nga nakuha halin sa T’boli Municipal Police Station (MPS), may ginreport nga mga armado nga lalaki nga nagalagaw sa nasambit nga barangay samtang sakay sa isa ka silver nga Nissan Navarra pickup truck. Sa tion sang insidente, ang mga personahe sang T’boli MPS ang assigned sa COMELEC checkpoint malapit sa simbahan Katoliko sa Poblacion, T’boli.
Gilayon nga nagresponde ang mga tropa sang Bravo Company, 105th Infantry Battalion (B/105IB) kaupod ang pila ka miembro sang T’boli MPS padulong sa Barangay Kematu, apang wala sila sang naabtan nga mga suspetsado sa lugar.
Pagbalik nila sa Poblacion, samtang naga-biyahe padulong sa grid coordinates 51N YG 01951 87264, ila nakit-an ang nasambit nga silver-colored Nissan Navarra pickup nga naga-una sa ila kag napaslawan nga duha sa tatlo nga sakay sa likod sang salakyan ang may dalang long firearms.
Ginbantayan ini sang mga sundalo kag gin-alerto ang checkpoint para sa posibleng pagdakop.
Pag-abot sa checkpoint, ginpahugtan sang mga sundalo kag PNP ang insidente kag ginlunsar ang pagpangusisa kag pagpangita sang dokumento o permit sang mga armas nga ginadala sang mga suspetsado.
Apang, wala sang naipakita nga legal nga papeles ang mga nadakpan.
Yari ang lakip sa mga nakumpiskar:
Duha (2) ka cal. 45mm Pistols:
Rock Island cal. 45mm (SN: P1877247)
Norinco cal. 45mm (SN: 793618)
Isa (1) ka Astra Mod 3000 cal. 32mm Pistol (SN: 643556)
Isa (1) ka carbine rifle (SN: 2984342)
Isa (1) ka Daewoo 5.56mm K2 rifle (SN: 096920)
Apat (4) ka cal. 45 magazines
Isa (1) ka cal. 32 magazine may apat (4) ka bala
Pito (7) ka 5.56mm magazines
Siyamnapulo (90) ka bala cal. 5.56mm
Napulo kag apat (14) ka bala cal. 45mm
Tatlo (3) ka sharp bolo
Duha (2) ka Baofeng handheld radios
Lima (5) ka assorted Android cellphones
Isa (1) ka silver Navarra 4×4 2.5L Pickup (may duha ka plate number: LAF 3653 kag isa ka remote key)
Gindala ang lima ka nadakpan kag tanan nga nakumpiskar nga armas kag kagamitan sa T’boli Municipal Police Station para sa mas madalom nga imbestigasyon kag husto nga disposisyon.
Padayon ang pagbantay sang mga otoridad sa seguridad sa lugar, ilabi na nga yara sa kritikal nga yugto sang eleksyon.
