Nabulabog ang katawhayan sang gab-i sang may mabaskug nga pagisabong nga natabo sa compound ni Vice Gubernatorial candidate Hisham Nando sa banwa sang Buluan, Maguindanao del Sur.
Suno sa report, isa ka wala pa makilal-an nga explosive device ang ginhaboy sa sulod sang amo nga compound.
Sa maayo nga kabubut-on, wala sang natala nga napilasan ukon napatay sa nasambit nga insidente.
Apang, ini nagdala sang daku nga kabalaka sa seguridad sang mga pumoluyo kag sang mismo nga kandidato nga subong naga pangampanya para sa lokal nga eleksyon.
Gilayon nga nag-aksyon si Mayor Babydats Mangudadatu, upod ang iya amay nga si Hon. Datu Jhong Mangudadatu, agud makig-angot sa mga otoridad kag kapulisan para sa mas madakom nga imbestigasyon.
Padayon ang pagtipon sang ebidensya sang mga otoridad agud matukiban ang posible nga rason kag kon sin-o ang responsable sa insidente.
Nagpanawagan si Mayor Babydats sang malinong nga panghuna-huna kag kooperasyon halin sa publiko samtang nagapadayon ang imbestigasyon. Dugang pa niya, “Ang karahasan ay hindi kailanman magiging solusyon sa anumang uri ng tunggalian, lalo na ngayong panahon ng halalan. Manatili tayong kalmado at mapagmatyag.”
