Ginpanugyanan sang Department of Health (DOH) ang publiko nga maglikaw anay sa paglakat sa matawo nga mga lugar subong nga ginakumpirmar nga may duha na ka kaso sang monkeypox ukon mpox virus sa Rehiyon XII.
Ini ang nangin pahayag ni Dr. Charmaine Pearl Cedeńo – Regional Emerging and Re-Emerging Disease Medical Coordinator Infectious Disease Cluster sang DOH XII sa interview sang bombo radyo Koronadal.
Suno kay Dr. Cedeño, ang mpox virus ginapalapnag paagi sa close ukon skin-to-skin contact, kabangdanan kinahanglan may himuon nga mga tikang ang komunidad agud malikawan ang paglapta sang virus.
Isa sa mga pwede himuon nga paagi amo ang paglikaw sa mga lugar nga madamo ang tawo ukon sa mga public gatherings.
Ginpanugyan man ni Dr. Cedeño ang pagpahugot sang pag-pagtuman sang Non-Pharmaceutical Interventions (NPIs) ukon mga tikang nga wala nagakinahanglan sang bulong ukon bakuna.
Lakip sa sini amo ang pirmi nga paggamit sang alcohol para sa disinfection sang kamot, ang pagsuksok sang face mask ilabi na sa lugar nga kulob ukon wala sang maayo nga sirkulasyon sang hangin, kag ang pagsuksok sang long sleeves nga bayo kag pantalon kon magagwa sa balay.
Ini nga mga tikang makabulig nga matakdan sang virus ang isa ka indibidwal.
Dugang pa ni Dr. Cedeño nga bisan may yara sang bakuna batok sa mpox, subong wala pa sang available nga supply sa Pilipinas.
Wala pa sang bakuna nga nag-abot sa pungsod, kabangdanan importante gid nga ang publiko magpabilin alerto kag disiplinado sa pagpatuman sang preventive measures.
Ginapanawagan man sang DOH sa tanang nga mangin responsable kag magreport gilayon kon may ginabatyag nga mga sintomas pareho sang hilanaat, rashes, kag kasakit sang kalawasan.
Ang pagpangin-alerto kag pagkabalo sa impormasyon parte sa mpox amo ang isa sa mga pinakamabaskog nga armas kontra sa sini nga balatian.
