Ginbawian sang kabuhi ang apat suno pa ka mga indibidwal matapos nga nagtibusok ang isa ka private plane sang US nga may Body No. N349CA sa Brgy. Malatimon, Ampatuan, Maguindanao del Sur subong nga hapon sang Huwebes, Pebrero 06,2025.
Ini ang ginkumpirmar ni Lt. Col. Roden Orbon ang tigpamaba sang 6ID Philippine Army sa interbyu sang Bombo Radyo Koronadal.
Suno saiya, apat ang sakay sang pribado nga eroplano sang US nga may body number N3 lakip na nag piloto sini.
Wala suno pa sang may nakaluwas sa mga pasahero kun diin padayon pa nga ginahibalo ang mga identity sang mga ini.
Dugang pa niya, duha sa mga biktima ang mga foreigner nga ginahibalo pa ang mga pangalan kag nakig angot na ang ila opisina sa Us embassy agud makuha ang mga patay nga lawas sa nagtibusok nga eroplano.
May mga nag report man nga ang pipila ka pasahero nag lumpat suno pa bag-o nag tibusok.
Ginkumpirma man ni Orbon nga wala sang naulamid nga mga residente sa nasambit nga lugar apang, ka karabaw ang naulamid nga naigo sang paghugpa sang eroplano kag patay na.
Samtang, sa pahayag sang United States’ Indo-Pacific Command (Indopacom), ang nasambit nga aircraft suno pa nagpatigayon sang routine mission “providing intelligence, surveillance, and reconnaissance support at the request of our Philippine allies” sa pungsod.
Sa karon, ginaimbestigaran pa kun ano ang gintunaan sang pagtibusok sang eroplano.
Nagapadayon man ang retrieval operation agud makuha ang tanan nga parte sang eroplano.
