Naaresto kag nabalabag sa Ninoy Aquino International Airport (NAIA) ang isa ka foreign nationa nga wanted sa kaso nga swindling.
Suno kay Bureau of Immigration Commissioner Joel Anthony Viado, ginkilala ang foreign national nga si Oscar Ogie Mbang, 52 ka tuig, kag nag-abot sa pungsod sang Enero 27 saksi sang flight halin Singapore.
Gindakop si Ogie matapos magguwa sa automated derogatory check nga ang iya pangalan yara sa blacklist halin pa sang 2019 tungod sang isa ka deportation complaint.
May yara man siya hold departure order halin sa Paranaque Regional Trial Court sang 2020 bangud sang kaso nga swindling nga ginpasaka sang iya mga pinagkakautangan.
Samtang, suno kay BI Border Control and Intelligence Unit Acting Chief Ferdinand Tendenilla, yara karon si Ogie sa kustodiya sang BI detention facility sa Camp Bagong Diwa sa Taguig kag nagahulat sang desisyon sang kortebahin sa iya nga mga kaso.
Madason man nga ipataw ang sentensya sa foreign national kon mapamatud-an nga may sala ini kag siya man igapadeport dayon.
