Nagtuga sa pagkanselar kag pagka-delatar sang indi magnubo sa 18 ka mga flights ang serye sang mga pamahog sang bomba nga nabaton sang pila ka mga airport sa Europa sini nga semana, nga nagtulod sa estrikto nga mga inspeksyon sa seguridad.
Lakip sa mga apektado ang mga flights pakadto sa Rome, Prague kag Poland.
Pila ka mga eroplano ang gin-updan sang mga fighter jet samtang ginasaylo ini sa isa ka luwas nga lugar kag gin-usisa sang mga otoridad agud masiguro nga wala sang katalagman sa mga pasahero kag mga tripulante.
Apesar pa sang mga pamahog, wala sing nakita nga mga eksplosibo ukon makaduluda nga mga gamit sa tion sang mga inspeksyon.
Sang Martes, indi magnubo sa pito ka mga flights ang nakabaton man sang kaanggid nga mga bomb threat, apang wala sing nakumpirmar nga mga eksplosibo.
Nakaapekto ang serye sang mga insidente sa operasyon sang airport kag pagbiyahe sang mga pasahero, samtang ang hugot nga pag-usisa kag pagpatuman sang mga tikang sa seguridad sa sektor sang aviation nagapabilin nga kinahanglanon.
