Mga ka-bombo, RATED SPG ini ha?
Nahulog halin sa isa ka Brazilian hotel balcony ang isa ka adult film star matapos niya nga gin-imbitar ang duha ka mga lalaki nga mangin parte sang isa ka adult content video.
Nasapwan nga wala na sang kabuhi sa courtyard sang isa ka aparthotel sa Nova Iguacu ang natumod nga babaye nga ginkilala kay Anna Beatriz Pereira Alves, ukon mas kilala online bilang si Anna Polly.
Ginapatihan nga nahulog ang 23-anyos nga adult film star sa isa ka plataporma samtang nga gina-film ang X-rated scenes kaupod ang duha ka mga lalaki para sa isa ka adult content site.
Suno sa local media reports, naghatag sang mga panaysayon ang duha ka mga lalaki kon ano ang natabo antes nga mahulog ang biktima apang wala pa sang may gin-aresto sa mga ini.
Sa karon, ginatun-an naman sang isa ka police homicide unit ang hotel CCTV images bilang kabahin sang ila nga imbestigasyon.
Ginkuha man ang mobile phone ni Alves bilang ebidensya sang natabo.
Ginlaragway sang mga imbestigador nga ‘complex’ ang ila nagapadayon nga imbestigasyon kag ginpahayag nga nagapabilin nga bukas ang ila paminsaron sa rason sang kamatayon sang adult entertainer nga suno sa ila, posible nga aksidente ukon krimen.
