76 years old nga senior citizen, ginbuno sang 27 years old nga lalaki

Ginbuno sang isa ka lalaki ang 76-anyos nga babae sa Tagum City Terminal pasado alas-9:00 sang aga Enero 29, 2025.

Ginkilala ang biktima nga si Maria Lora Embodo, residente sang Monkayo, Davao de Oro samtang ang suspek ginkilala si alyas “JR,” kag 27-anyos.

Suno sa imbestigasyon, pag-abot sa terminal hinali nga ginbuno ni JR ang biktima gamit ang sundang nga naigo sa talinga sang senior citizen.

Wala man naka-agom sang major injury ang biktima samtang naaresto naman ang suspek kag yara na sa karon sa kustodiya sang Tagum City Police Station.

Padayon naman ang imbestigasyon sang mga otoridad sa nagluntad nga pagbuno.