Madasig nga natapna sang mga otoridad ang panibag-o nga wildfire sa Los Angeles, California.
Ang brush fire ang natala sa Ventura County, kung sa diin ginakabig nila ini nga Auto Fire.
Nasunog ang yara sa 55.7 nga ektarya.
Bangod sa asod asod nga mga sunog,nagpagwas ang National Weather Service (NWS) sang panibag-o nga air quality alert, kung sa diin sakop sini ang South Coast air basin kalakip ang tanan nga Orange County kag iban pa nga parte sang LA, Riverside kag San Bernardino counties kag Coachella Valley.
Bangod man ini sa abo nga gindala sang hangin sa residential area.
Ginpaandaman ang mga residente sa apektado nga mga lugar na likawan ang outdoor activities kag pagabilin nga sarado ang mga bintana kag pirtahan sang ila nga panimalay kag salakyan.
