-- ADVERTISEMENT --

Nagnubo ang presensya sang mga barko sang China sa pila ka estratehiko nga bahin sang West Philippine Sea, suno sa monitoring data sang Armed Forces of the Philippines (AFP).

Suno sa AFP, 19 na lamang ka barko sang China ang naobserbaran sa Ayungin Shoal, Bajo de Masinloc, Escoda Shoal kag Pag-asa Island halin Nobyembre 9 tubtob 16. Mas manubo ini sang 10 ka barko kon ikumparar sa 29 nga naitala sang Nobyembre 3 tubtob 8.

Sa 19 ka barko, 14 ang sakop sang China Coast Guard samtang lima ang barko sang People’s Liberation Army Navy.

Pinakadamo nga presensya ang na-monitor sa Bajo de Masinloc nga may siyam ka barko, sunod ang Ayungin Shoal nga may anum.

Tatlo ang yara malapit sa Pag-asa Island kag isa sa Escoda Shoal.

Natabo ang pagnubo sang numero sang mga barko sang China sa semana nga gin-host sang Pilipinas ang ASEAN Summit. Apang gin-athag nga wala pa sang direkta nga pamatuod nga may kaangtanan ang duha ka hitabo.