Patay ang isa ka gunman samtang pilason naman ang isa ka pulis sa nagluntad nga shootout sa checkpoint sang Barangay Impao, Isulan, Sultan Kudarat.
Ginkilala ang napilasan nga police nga si Police Master Sgt. Jenathan Mastura Waguia, myembro sang Sultan Kudarat Provincial Highway Patrol Team sang Regional Patrol Unit 12.
Naguwa sa imbestigasyon nga kaupod ni Waguia ang iban nga pulis sa roadside checkpoint samtang nagabantay para sa pagsugod na sang nationwide election-related ban agud dakpon ang mga unauthorized person carrying firearms.
Kun sa diin nasiplatan nila ang magaagi nga isa ka minivan nga wala sang plate number gani ginpapundo nila ini kag gin-chekyar ang unit.
Suno sa kapulisan ginsakyan sang police ang na impound nga salakyan padulong sa ila nga headquarters sa Isulan sang may naga sunod sa iya nga isa ka naka motor kag gin tiro ini sang gunman sang maka palapit ini sa biktima.
Nakaangkun sang pilas sa nagkalain-lain nga parte sang iya lawas ang pulis apang naka balos pa ini sa pag palupok kung sa diin na patay sini ang isa sa mga gunman.
Nagapati ang kapulisan nga kaupdanan sang tag iya sang na impound nga minivan nga wala pa na kilala nga mga suspek
Sa karon ginahibalo pa ang pangalan sang suspect sa pag pamusil sa banwa sang Isulan. Ginpahugtan man ang seguridad sa mga checkpoint sa nasambit nga lugar.
