-- ADVERTISEMENT --

Linibo ka tawo ang nagtipon sa Edinburgh, Scotland agud ipahayag ang ila pagpamatok sa mga plano nga magpatukod sang dalagku nga sentro sang datos para sa artificial intelligence (AI).

Nagdala sang mga plakard ang mga nagprotesta kag nagmartsa halin sa Royal Mile pakadto sa Scottish Parliament agud ipabutyag ang ila mga kabalaka.

Ginpahayag sang mga nagpakigbahin nga mahimo magdulot sang malain nga epekto sa palibot ang pagtukod sang dalagku nga mga data center, ilabi na sa mga komunidad nga pagatukuran sini.

Lakip sa mga lugar nga ginapamatukan amo ang Cockenzie sa East Lothian kag Larbert sa Falkirk.

Samtang, ginalauman nga magpagwa ang gobyerno sang Scotland sang bag-o nga mga pagsulundan kag estratehiya agud masiguro nga ang pagtukod sang mga data center magahatag sang kaayuhan sa publiko.