-- ADVERTISEMENT --
Nagsaka na sa 142 nga kaso sang fireworks-related injuries ang natala sang Department of Health (DOH).
Suno sa ahensya makaligad lang ang 24-oras natala nila ang 17 nga bag-o nga kaso nga napilasan sang mga illegal nga palupok.
Kung sa diin masmataas ini sang 35 percent nga fireworks-related injuries sa pungsod kun ikumparar sang 2023 nga 105 nga kaso lang sang fireworks-related injuries ang natala sang DOH.
Nagpaandam man ang ahensya sa publiko nga likawan ang paggamit sang mga iligal nga palupok.
Sa tion nga malukpan sang illegal nga palupok, maglakat sa pinakalamit nga balay bulungan ukon magtawag sa emergency number nga 911 ukon 1555 para sa nagakaangay nag bulig medikal.
