Narekord sang Rice-for-All initiative sang administrasyon ni Presidente Ferdinand Marcos Jr. ang pinakadaku nga bilang sang mga benepisyaryo sang Setyembre, nga nag-abot sa halos isa ka milyon ka Pilipino.
Base sa datos sang Department of Agriculture (DA), nagtotal sa 961,346 ang mga nakabenepisyo sa programa, nga amo ang pinakataas nga monthly turnout halin sang pagsugod sini.
Nakabakal ang mga benepisyaryo sang kabug-usan nga 21.4 milyones ka kilo sang lokal nga ani nga bugas.
Mas mataas ini kumpara sa 838,695 ka benepisyaryo nga nairekord sang Abril sini nga tuig.
Sa pihak sini, naglab-ot naman sa 135.98 milyones ka kilo sang bugas ang nabaligya sang ahensya paagi sa programa halin Enero tubtob Setyembre.
Suno sa Department of Agriculture, magapadayon ang programa tubtob Hunyo 2028.
Ang pagbaligya sang bugas sa tag-P20 kada kilo amo ang isa sa mga panguna nga campaign promises ni Presidente Marcos Jr. sa tion sang iya pagpangampanya.
