Ginpagmalaki sang Korte Sumprema ang mataas nga bilang sang mga kaso nga nadesisyunan sang lower court subong nga tuig 2024.
Suno kay Supreme Court Chief Justice Alexander Gesmundo, yara sa 508,197 ka mga kaso sa bug-os nga pungsod ang nakadesisyon sang mga lower court sa sulod sang malip-ot nga panahon.
Suno sa CJ, naglab-ot ini sa 43% nga boasting rate sa pagbuligay sang Municipal Trial Court, Municipal Circuit Trial Court, kag Regional Trial Court.
Dugang ni Gesmundo, ang mataas nga numero amo ang resulta sang ila nga handum nga mapaubos ang backlog sang mga kaso sa pungsod.
Dako man nga butang suno sa iya ang pagsabat sang mga lower court sa handum sang Hudikatura, lakip na ang handum nga malitis ang mga kaso sa malip-ot nga panahon.
Samtang, magluwas sa mga nasambit nga korte, mataas man ang numero sang mga kaso nga nakadesisyon sang iban pa nga mga korte sa pungsod, lakip na ang Korte Suprema.
Sa bug-os nga 2024, nakadesisyon suno sa iya ang SC sang kabilugan nga 4,294 ka mga kaso samtang 14,699 naman sa mga Court of Appeals.
