Bitbit ni Bea Millan-Windorski indi lamang ang suporta sang mga Pilipino sa iya paglupad padulong sa Puerto Rico kundi bugal man sa iya pagka-Pilipino.
Pagkatapos sang send-off ceremony sa NAIA Terminal 1, gin-share sang Philippine candidate para sa Miss Universe 2026 ang iya Filipiniana-inspired outfit nga nagapakita sang identity, kultura, kag resilience sang mga Filipino women.
Ang iya post naglakip sang mensahe nga “The Filipino is worth fighting for,” nga nagapakita sang iya pag-apresyar sa pagka-Pilipino samtang nagahanda sia para sa internasyonal nga kompetisyon.
Magapresentar si Bea sa Pilipinas sa ika-75 nga edisyon sang Miss Universe nga natalana nga hiwaton sa Puerto Rico sa Nobyembre 24. Madumduman nga ulihi nga nadala pauli sang pungsod ang korona sang 2018 pinaagi kay Catriona Gray nga naghatag sa Pilipinas sang ika-apat nga Miss Universe title.
Sa palaabuton nga kompetisyon, nagalaum ang mga Pilipino nga mapadayon ni Bea ang maragtas sang pungsod sa prestihiyoso nga pageant.
