Mangayo sang pagpaathag kag pagrepaso sa pila ka bahin sang desisyon sang Korte Suprema ang Office of the Solicitor General (OSG) may kaangtanan sa pagdeklarar nga unconstitutional sang unprogrammed appropriations.
Suno kay Solicitor General Darlene Berberabe, ginatahod sang OSG ang desisyon sang korte, apang kinahanglan pa nga usisaon ang pila ka probisyon, ilabi na ang mga limitasyon kag pamantayan sa paggamit sang gahom sa pagdumala sang budget sang gobyerno.
Ginpahayag ni Berberabe nga importante nga masiguro nga ang mga pananglitan kag limitasyon nga ginlatag sang Korte Suprema nagasanto sa Konstitusyon kag nagatamod sa pagbinahin sang gahom sang Kongreso kag ehekutibo.
Dugang pa niya, kinahanglan ang yara nga guardrails ukon mga panalipod agud masiguro ang transparency, accountability kag responsable nga paggamit sang pondo sang publiko.
Paagi sa paghingyo sang pagpaathag kag pagrepaso, ginapaabot nga maklaro ang pagpatuman sang desisyon kag ang mga limitasyon sa paggamit sang pondo sang gobyerno.
