Illegal nga droga, narekober sa panimalay sang isa ka drug suspect sa Cotabato

Nadakpan sang Tulunan Municipal Police Station ang isa ka 39-anyos nga lalaki paagi sa search warrant kag nakuhaan sang iligal nga droga sa mismo sini nga puluy-an sa Poblacion, Tulunan, Cotabato..

Suno sa Tulunan PNP, pasado alas 11:00 sang gabi sang ila ginsalakay ang panimalay sang ginkilala nga alyas “Peter” sa bisa sang search warrant nga kung sa diin narekober sa sulod sang balay sini ang pakete sang sigarilyo nga may unod nga lima ka plastic sachet nga ginapatihan nga shabu.

Bangod sini, gindakop ini kag maga-atubang sa kaso nga paglapas sa Comprehensive Dangerous Drugs Act of 2002.