Preparado na nga magbiyahe pakadto sa Puerto Rico ang pambato sang Pilipinas nga si Miss Universe Philippines 2026 Bea Millan-Windorski para sa iya pagsabak sa ika-75 nga edisyon sang Miss Universe.
Bilang bahin sang iya preparasyon, magahiwat ang Miss Universe Philippines Organization sang send-off event sa Nobyembre 5, 2026, Huwebes, alas-3:00 sang hapon sa Ninoy Aquino International Airport Terminal 1.
Ang amo nga pagtitipon mangin oportunidad agud ipakita ang suporta kag pagpalangga sang mga Pilipino kay Bea antes siya magbiyahe kag magrepresentar sa pungsod sa internasyonal nga kompetisyon.
Bitbit sang beauty queen ang paglaum sang madamo nga Pilipino nga mabawi liwat sang Pilipinas ang Miss Universe crown, nga katapusan nga naangkon sang pungsod sang 2018 paagi kay Catriona Gray.
Si Gray amo ang ikaapat nga Filipina nga nakakuha sang prestihiyoso nga titulo, kasunod nanday Gloria Diaz sang 1969, Margarita Moran sang 1973 kag Pia Wurtzbach sang 2015.
Sa nagahilapit nga pagbiyahe ni Bea, nagapadayon ang suporta sang mga Pilipino sa iya kampanya, sa paglaum nga madugangan pa ang kadalag-an sang Pilipinas kag makuha ang ikalima nga korona sang Miss Universe.
