Ginaprobahan na sang Senado ang panukala nga 2025 national budget nga nagabalor sang P6.352 trilyon.
May 18 ka boto ang nagpabor kag wala ang nagkontra kag isa ang nag-abstention.
Una diri, ginsertipikahan ni Presidente Ferdinand Marcos Jr. ang 2025 budget bilang urgent gani ginpasa na sang Senado ini sa ikaduha kag ikatlo nga pagbasa sa sulod sang isa ka adlaw.
Gin-eskplekar man ni Senate Minority Leader Aquilino Pimentel III ang iya pag-abstention bangud wala ini nagsugot sa desisyon sang iya mga kaupod nga mambabatas.
Dugang pa diri, kinahanglan anay nga mag-abot ang emergency nga marapatang pagsertipika sang presidente.
Samtang ang minority senator nga si Senator Risa Hontiveros nag-eksplekar kon ngaa nagpabor siya nga ipasa ang budget.
Suno saiya nga nadugangan ang mga budget para sa mga Inter-Agency Council against Trafficking, kag ang National Coordination Center Against Online Sexual Abuse and Exploitation of Children and Child Abuse and Exploitation Materials.
Gin-tanggal man sang Senado ang P39.8 bilyon nga alokasyon para sa Department of Social Welfare and Development nga Ayuda para sa Kapos ang Kita Program (AKAP) kag ini ginlakip na sa Assistance to Individuals in Crisis Situation (AICS) program.
Ang AICS kay amo ini ang gin-debatehan sa tunga sang House of Representatives kag Senado sa bicam tungod kay gin-siksik kuno sang house leader ang AKAP sa DSWD nga wala sang kahibalo ang pila ka senador.
Nadugangan man ang budget sang Philippine National Police para sila makahimo sang 54 ka police station sa nagkalain-lain nga local government units.
