KORONADAL CITY – May yara na sang Special Investigation Task Group ang mga otoridad sang South Cotabato agud mas mapadasig ang imbestigasyon sa pagpang luthang-patay sa Isa ka anay Kapitan kag Vice Mayor Candidate sa sulod sang iya puluy-an sa bahin sang Brgy. Bukay Pait sa banwa sang Tantangan, South Cotabato sang gab- i sang Nobyembre 17, 2024.
Ginkumpirma ni Pol. Maj. Erika Vallejo, Hepe sang Tantangan PNP sa interbyu sang Bombo Radyo Koronadal.
Ang nasambit nga biktima nga si Jose “Bobot” Osario, 58 anyos, kasado, anay Punong Barangay kag residente sang Purok Maligaya Brgy.Bukay Pait kag nagadalagan bilang Bise Mayor sa banwa sang Tantangan para sa 2025 National kag Local Elections.
Naghatag naman sang Php1 milyon reward si Congressman Peter B. Miguel sa sin-o man makatudlo ukon makahatag sang lead sa nagpatay kay Tantangan Vice Mayoralty Jose Osorio.
Madumduman sa inisyal nga imbestigasyon sang Tantangan PNP, gabi pa pasado 10:00 sang nagluntad ang pag pangluthang patay kag nakit-an na ang biktima sang 6:00 sang aga nga nahibaluan nga ginsulod sang wala pa makilal-an nga mga suspek ang puluy-an ni Osario kag ginluthang patay gamit ang wala pa matumod nga sahi sang armas luthang.
Narekober naman sa crime scene ang 6 ka mga basyo.
Suno naman kay Elsie Osario, asawa sang biktima nga nag tawag pa ini sang 12:56 sang kaagahon para ichekyar kung diin ang iya nga asawa bangud wala ini sa iya nga tupad kag ginbalewala ini bangud sa rason nga ginisip ni Elsie nga nag preparar ini para sa kapehan sa aga.
Nakit-an sang taga-luto nila sang pag ka aga nga nakahigda ini sa ila kusina.
Suno man sa pag imbestigar, wala sang nabaton ng death threats ang biktima amo gina tan-aw sang otoridad nga personal grudge ukon may kaangot sa eleksyon ang posible nga motibo sa pag pangluthang patay sa biktma.
