-- ADVERTISEMENT --

Gin-usisa ni Senador-Judge Kiko Pangilinan ang relasyon sang anay Anti-Money Laundering Council (AMLC) official nga si Atty. Rainer Dela Fuente kay Atty. Edward Gialogo sa ika-44 nga adlaw sang impeachment trial.

Ginkumpirmar ni Dela Fuente nga nangin mag-upod sila sa isa ka law firm halin 2018 tubtob 2021 kag mag-abyan na halin pa sang ila mga adlaw sa kolehiyo.

Gin-usisa man ni Pangilinan kon nahibaluan ni Dela Fuente nga nangin abogado si Gialogo sang Duterte Youth Party-list kag kon may nahibaluan ini sa ginapahayag nga pagsuporta ni Gialogo sa kampanya ni anay Presidente Rodrigo Duterte sang 2016.

Apang nagsabat si Dela Fuente nga wala siya sang personal nga ihibalo sa mga ini, kag dugay na nga wala sila sang komunikasyon ni Gialogo.

Samtang, wala man madumdumi ni Dela Fuente kon nakaboto siya sa 2016 national elections.