Ang Dugong Bombo 2024 nga aktibidad isa ka tikang agud makabulig sa mga nagakinahanglan salinan ukon makasalbar kita sang kabuhi sang isig katawo.
Kaupod ang Bombo Radyo Philippines pati man ang Philippine Red Cross South Cotabato//Ang dugong bombo magabulig nga magdamo ang suplay sang dugo para sa mga katawhan diri sa South Cotabato.
Ini suno kay Stella Dolendres, RMT Quality Assurance Officer, Philippine Red Cross South Cotabato sa Interveiw sang Bombo Radyo Koronadal.
Suno saiya, ang pag donar sang dugo isa ka change oil mechanisms kung sa diin makaiwas sa mga health issues kag mga sakit.
Dugang pa niya, nagakulang gihapon ang suplay sang dugo ilabi an sa mga lean months kag wala na sang bayaran nga processing fee sa pag kuha sang dugo.
Iya man gin han-ay kung ano una nga buluhaton sa pag pakuha sang dugo kung sa diin una sini ang, mag pre-screening kalakip sini ang monitoring sang blood pressure agud ma chekyar ang kalidad sang dugo.
Ginapanawagan man ni Dolendres ang tanan nga tigpalamati nga makigtambong kag mag donar na sang dugo sa November 16, 2024 halin 8am-5pm sa KCC event center.
