-- ADVERTISEMENT --
Ginpa-andaman sang Cybercrime Investigation and Coordinating Center (CICC) ang publiko angot sa mga phishing scams nga nagapakuno-kuno nga kasapi sang e-wallets.
Suno kay CICC Director Alexander Ramos, ang ahensya ang nakadiskubre sang bag-o nga modus kung sa diin ang mga users ang makadawat sang mga text messages nga kinanglan i-update ang ila nga mga accounts gamit ang isa ka link nga halin kuno sa mga e-wallets.
Angot sini, padayon nga gin-awhag ni CICC Director Ramos nga maghalon kag magpamatyag sa paggamit sang e-wallets bali na sa karon nga pala-abutong ang holiday season.
