Nag-ugyon ang social media platforms nga dumilian ang mga bayad nga political ads, matapos sang ila ginpromisa nga suportahan ang Commission on Elections (Comelec) para sa palaabuton nga eleksyon.
Sa ginpatigayon nga ceremonial signing, ginpahayag sang Tiktok kag Google nga ginadumilian nila ang mga paid political ads sa ila mga plataporma sa tion sang ila kampanya.
Suno kay Meta Public Policy Manager Genixon David, ginapahanugotan nila ang political advertisement sa Facebook kag Instagram para sa duwa ka mga butang amu ang luyag nga mapasanyog ang transparency kag patas nga oportunidad para sa tanan.
Madumduman, sang tinalikdan nga bulan sang Septiembre, nag-issue ang Comelec sang resolution nga nagamandu sa tanan nga kandidato, party-lists kag campaign teams nga magparehistro sa ila official social media accounts, pages, websites, podcasts, blogs, vlogs, kag iban pa nga online kag internet-based campaign platforms tubtob Disyembre 12.
