KORONADAL CITY – Ginpahugtan sa subong sang pamunuan sang Shariff Aguak Municipal Police station ang pagpatuman sang checkpoints kag chokepoints sa ila nga banwa kasunod sang nagluntad nga madugo nga engkwentro sang mga supporters sang duha ka magtibang nga partido sa ulihi nga adlaw sang filing sang Certificate of Candidacy sang adlaw sang Martes.
Ini ang nangin pahayag ni PLtCol. Reggie Abellera, hepe sang Shariff Aguak PNP sa interview sang Bombo Radyo Koronadal.
Suno kay Abellera, mas ginpabaskog pa nila sa subong ang pagbantay sa mga lugar sa ila nga banwa agud nga masiguro ang kalinong kag katawhayan sang mga residente.
Madumduman nga isa ang patay samtang 5 naman ang napagkit nga pilason sa ulihi adlaw sang filing sang COCs sa munisipyo sa diin nagtuga sang kinagamo ang wala paghangpanay sa tunga sang mga supporters sang duha ka magkalaban nga mga kandidato.
Ginpasiguro naman sang kapulisan nga malinong ang Shariff Aguak kag ang serye sang enkwentro amu ang ginakabig nga isolated case gid lamang.
