Ginkumpirmar sang Lebanese health ministry nga yara na sa masobra 492 ang ginbawian sang kabuhi kag 1,645 tanan ang mga nasamaran bangud sang Israeli strikes sa Lebanon halin pa sang Lunes.
Suno sa ministry nga sa natumod nga numero sang mga napatay, 35 diri ang mga kabataan kag 58 naman ang mga kababainhan.
Bangud sini, ginahingyo sang Israel ang mga Lebanese nga mag-evacuate na sa lugar.
Matapos ang malapit na isa ka tuig nga gyera sang Hamas sa Gaza kag sa southern border sini, nasaylo naman ang atensyon sang Israel sa northern frontier kon sa diin nagapalupok ang mga Hezbollah sang rockets sa Israel bilang pagsuporta sa kaalyansa sini nga Hamas.
Suno kay Prime Minister Benjamin Netanyahu, nagapangatubang sa karon ang Israel sang ginakabig “complicated days” samtang nga ginapabaskog sang pungsod ang pag-atake sa southern Lebanon.
Matandaan nga una na nga ginpaandaman ni United Nations Secretary-General Antonio Guterres nga may yara sang risgo nga ang Lebanon posible mangin masunod nga Gaza bangod sa nagainit nga tensyon sang Israel kag Lebanese armed group nga Hezbollah.
