Magapadulong si Vice President Sara Duterte sa Hong Kong sa Nobyembre 6 tubtob 8, 2026 agud magtambong sa pila ka mga aktibidad kag makig-angot sa mga Pilipino nga nagapuyo kag nagatrabaho sa pungsod.
Suno sa Office of the Vice President (OVP), ginalakipan sang nagapanguna nga aktibidad ni Duterte ang pagtililipon nga gin-organisar sang Filipino Community (FilCom) sa Hong Kong.
Ginkumpirmar man sang talatapan nga may yara ini sang travel permit halin sa Quezon City Regional Trial Court Branch 98, nga gin-isyu sang Nobyembre 3, 2026. Magluwas sini, ginhatagan man siya sang nagakaigo nga travel authority sang Office of the President para sa iya pagbiyahe sa luwas sang pungsod.
Ginhatagan pagtamod sang OVP nga ang personal nga pondo ni Duterte ang pagagamiton sa tanan nga travel expenses. Wala sing pundo, propiedad, ukon pasilidad sang gobyerno ang gamiton may kaangtanan sa iya pagbisita.
Ginalauman nga magalawig sang tatlo ka adlaw ang iya pagtener sa Hong Kong, sa diin natalana ini nga mag-istorya kag makig-angot sa mga Pilipino antes magpauli sa pungsod agud padayunon ang iya natalana nga mga aktibidad.
