Iga-monitor sang Cybercrime Investigation and Coordinating Center (CICC) ang pag-gamit sang artificial intelligence (AI) kag deep fakes sa 2025 national kag local elections (NLE).
Ginpahayag sang CICC nga naga-koordinar na ang mga ini sa Commission on Elections (Comelec) sa posible nga solusyon lakip na ang content monitoring sang false information.
Samtang, una na ginpahayag sang poll body nga ang mga kadidato nga magapapili para sa 2025 NLE kag Bangsamoro elections ang dapat nga magdeklarar kun nag-gamit ang mga ini sang campaign materials pinaagi sa AI.
Base sa pinaka-ulihi nga datos nagikan sa COMELEC, nagdangat na sa 66 milyon ang rehistrado nga botante samtang yara naman sa 5.37 milyon ang mga deactivated voters para sa 2025 May elections.
