Nag-plead nga not guilty ang self-proclaimed son of God nga si Pastor Apollo Quiboloy sa krimen nga trafficking kadungan ang pag-atubang sini sa korte subong nga adlaw, matapos ang malawig nga binulan nga pagpanago.
Si Quiboloy nga yara sa kustodiya sang Philippine National Police (PNP), ang nag-abot sa Pasig City Regional Trial Court (RTC) Branch 159 para sa iya arraignment.
Ini ang kabahin sang proceedings sa diin ginabasa sang korte ang criminal charge sa defendant agud ipahibalo ang kaso nga ginpasaka sa ila.
Bangud nag-plead si Quiboloy nga not guilty, magapadayon ang trial.
Sa nasambit nga korte, ginkasuhan si Quiboloy kag ang lima ka iban pa nga sanday Jackielyn Roy, Sylvia Cemañes, Cresente, Paulene, kag Ingrid Canada sang kaso nga paglapas sa Republic Act 9208 ukon Anti-Trafficking in Persons Act of 2003.
Ang kaso nga Trafficking ang non-bailable.
Magluwas diri, may pending pa gid ini nga child abuse cases sa Quezon City RTC Branch 106.
Patigayunon ang arraignment karon sa hapon suno sa PNP.
May yara naman ini sang pyansa nga P180,000 para sa sexual abuse of minors, kag P80,000 para sa child cruelty.
