31 anyos nga lineman, arestado sang kapulisan bangud sa illegal nga droga

Arestado ang isa ka lalaki nga street level individual matapos magpatigayon sang Anti-Illegal Drug Entrapment Operation ang PNP sa Prk. 4, Brgy. Ugalingan, Carmen, Cotabato.

Ginkilala ni Police Lieutenant Colonel Rey Salgado, hepe sang Carmen Municipal Police Station ang suspek nga si alyas “Mikee”, 31-anyos, may asawa, isa ka lineman kag residente sang nasambit nga barangay.

Suno kay PLtCol. Salgado, banda alas-12:30 sang tunganga gab-i sang ginpatigayon ang buy-bust operation sang mga otoidad kun diin nakuha sa suspek ang apat (4) kabilog sang transparent plastic sachet nga ginapatihan nga shabu kag Php500.00 bilang buy bust money.

Natalana naman nga pasakaan ang suspek sang nagakaigo nga kaso bangud sa paghupot sang illegal nga droga.