DOH preparado sa nagasaka nga numero sang kaso sang leptospirosis

Ginpasiguro sang Department of Health (DOH) apisar sa tunga sang nagasaka nga numero sang kaso sang leptospirosis, handa na ang pila ka mga ospital para sa mga iga-admit nga mga pasyente.

Sa pahayag ni Dr. Alberto Domingo, DOH spokesman kag assistant secretary, nagapadayon nga gina-assess sang ahensya ang clinical, epidemiologic kag logistics situation agud epektibo nga mag-responde sa ginatan-aw nga posible pagsaka sang leptospirosis cases.

Madumduman nga ang DOH ang anay nag-issue sang memorandum nga nagamandu sa mga ospital sa National Capital Region nga mag-activate sang surge capacity sa posible pagsaka sang leptospirosis cases.