Naaresto sang kapulisan ang isa ka estudyante nga ginakabig rank 8 Regional Most Wanted Person matapos magpatigayon sang operasyon ang mga otoridad sa Purok Malipayon, Brgy. Poblacion, Esperanza Sultan Kudarat.
Ginkilala ni Police Major Ronalyn Domider, hepe sang Senator Ninoy Aquino Municipal Police Station ang wanted nga si alyas ” Pao-pao”, 20 anyos, soltero, estudyante kag residente sang Brgy. Kulaman Senator Ninoy Aquino, Sultan Kudarat.
Suno kay PMaj Domider, ala-1:50 sang hapon sang maaresto ang suspek paagi sa warrant of arrest nga gin-isyu ni Hon. Samina Sampaco Macabando-Usman, Assisting Judge, RTC12, Branch 19, Isulan, Sultan Kudarat para sa kaso nga 4 counts of Rape nga wala sang ginrekomendar nga pyansa.
Ang suspek ang yara na sa kustodiya sang nasambit nga istasyon para sa tama nga disposisyon.
Ang pagkadakop sang mga wanted person ang isa lamang sa mga madinalag-on nga operasyon sang kapulisan agud mapabilin ang kalinong kag katawhayan sa lugar nga ila nasakupan.
