Nanawagan si Senator Kiko Pangilinan sa gobyerno nga maghimo sang isa ka komprehensibo nga national flood control management plan kag full accounting sang pondo sa mga flood control projects.Ginhimo sang senador ang apela bangud sang na-eksperyensyahan nga pagbaha sa madamo nga lugar subong sa Metro Manila sa tunga sang padayon nga mabaskog nga pag-ulan dala sang hangin Habagat.Gintumod ni Pangilinan nga nagalaum ang mga Pilipino sa emergency response tagsa ka may kalamidad imbes nga mangin proactive ang gobyerno nga mapunggan ang pagbaha paagi sa flood management plans.
Ginpunto sang senador nga kinahanglan sang permanente kag pang-nasyonal nga flood management plan sa diin dapat naga-angut ang mga proyekto kag plano. Suno sa mamalidha, nga bisan maggastos sang binilyon ang gobyerno kon wala man naga-angut ang flood control management plan, malumos gihapon sa baha ang mga kalsada kag mga pamalay.
Nag-apelar man si Pangilinan sang kompleto nga accounting sang flood-control funds partikular na sa proyekto nga ginpondohan kag ilakip ang lokasyon, balor, contractors, implementation status kag aktwal nga resulta sang proyekto.Punto pa sang senador, kinamatarong sang tagsa ka Pinoy nga mahibaluan kon sa diin nagkadto ang kada piso nga gin-alokar para sa flood control kag indi pwede nga proyekto nga papel lang kag kada mag-ulan, ginabaha gihapon ang mga pumuluyo.
