-- ADVERTISEMENT --
Gin-anunsyo sang Department of Agriculture nga magalunsyar ini sang P45 kada kilo nga “rice for all” sa Agosto 1.
Nahibaluan, nagsunod ini sa P29 nga Rice Program para sa mga nagakinahanglan.
Igabaligya ang bugas sa nasambit nga presyo para sa tanan nga mga indibidwal kag pwede lamang makabakal sang 25 kilo kada adlaw.
Ginpahayag ni DA Assistant Secretary kag Spokesperson Arnel de Mesa nga iga-offer ini sa apat ka mga Kadiwa outlets: FTI sa Taguig, Bureau of Plant Industry sa Manila, Potrero sa Malabon kag sa Caloocan.
Samtang, iga-extend naman ang P29 Rice Program sa duha ka mga lugar sa Sta. Rosa City sa Laguna kag Antipolo City sa Rizal kun sa diin mahimo nga maka-avail ang mga konsumidor sa 17 ka mga sites.
