Ginpanginwala sang Department of Agriculture nga isa ka ‘political move’ ang programa sang gobyerno nga pagbaligya sang P29 kada kilo sang bigas, pila ka semana antes ang natalana nga State of the Nation Address (SONA) ni PBBM.
Suno kay Agriculture Assistant Secretary and spokesman Arnel de Mesa, ang pagbaligya sang nasambit nga sahi sang bugas ang madugay na nga plano sang gobyerno.
Sa pagkamatuod, antes ang pagdesignar kay Agriculture Secretary Francisco Tiu Laurel Jr. madugay na ini nga ginaplano sang gobyerno bilang sabat sa nauna nga kamanduan ni PBBM nga panubuon ang presyo sang bugas.
Suno kay de Mesa, sadto pa natumod ang mga panginahanglalon sang bugas ilabi na sang mga pigado.
Magluwas sa National Food Authority rice, may yara man sang contract farming sang National Irrigation Administration nga may garantiya nga makahatag sang tubtob 121,000 metriko tonelada sang bugas.
