KORONADAL CITY – Nilibo ka mga puno sang kahoy ang igatanum subong nga adlaw, Hunyo 29,2024 kadungan sang ika-14 ka tuig nga Tree growing festival sa siyudad sang Koronadal.
Ini ang ginpahayag ni Congressman Peter Miguel sang segundo distrito sang South Cotabato.
Suno kay Congressman Miguel, ini ang kada tuig nga ginapatigayon sa siyudad agud nga makabulig sa pag-preserbar sang kinaiyahan.
Aminado ang opisyal nga bangud sa climate change indi na malikawan ang mga kalamidad kasubong sang baha, landslide kag iban pa nga kalamidad nga magatuga sang pagkaguba sang palibot.
Paagi sa pagpananum sang mga puno sang kahoy makabulig ini sang dako agud makalikaw sa kapahamakan ang tanan.
Dako suno pa nga issue sa karon ang destruction sa environment gani kinahanglan nga makigbahin ang tanan nga Koronadaleno sa sini nga aktibidad.
Sa subong pa lamang ginapasalamat na man sang opisyal ang mga partisipante sa ika-14 ka tuig na nga pagpananum sang puno sangn kahoy sa mga pili nga lugar sa siyudad sang Koronadal.
