Posible nga masundan sang mas makahas nga insidente ang ginhimo nga aksyon sang China sa West Philippine Sea sang tinalikdan nga Lunes, Hunyo 17.
In0i ang nangin pahayag ni Mr. Ivan Amadio,Political Science Instructor sa Notre Dame of Marbel University (NDMU) sa interview sang Bombo Radyo Koronadal.
Suno sa iya isa ka “provocative action” ang ginhimo sang China kag mahimo mag resulta sa mas seryuso kag bayolente nga sitwasyon.
Matandaan nga sang tinalikdan nga Lunes, ginbalabagan sang China Coast Guard ang rotation kag resupply mission sang Armed Forces of the Philippines (AFP). Wala pa ma kontento ang mga intsik kag ginsamad pa ang sakayan sang Pilipinas kalakip na ang navigation kag communications equipment, ginkuha ang pila ka mga armas kag kagamitan.
Ang amo nga insidente ang nagresulta sa pagkapilas sang walo ka mga suldado, isa diri ang nautdan sang tudlo.
Dugang pa ni Mr. Amadio, naga kadapat nga maghimo na sang naga kaangay nga tikang ang Pilipinas para sa pagtugon sang nasambit nga issue.
