-- ADVERTISEMENT --

Nagumpisa na ang closed-door interviews para sa mga kandidata sa Miss Universe 2026—lakip ang tiglawas sang Pilipinas nga si Bea Millan-Windorski—bilang kabahin sang preliminary activities para sa ika-75 nga edisyon sang prestihiyoso nga kompetisyon.

Sa sini nga interbyu, ang tagsa ka kandidata magaatubang sa mga judges sa pagsabat sang mga pamangkot nahanungod sa iya kaugalingon, sa iya mga adbokasiya, personal nga mga inagihan, kag mga panan-awan sa importante nga mga social issues.

Maga-ebalwar man ang mga judges sang confidences, personalidad, ikasarang sa komunikasyon, kag ikasarang sa pagpahayag sang ila mga panghunahuna sang mga kandidata.

Importante ini nga entablado, bangud nagahatag ini sa mga kandidata sang kahigayunan nga ipakita ang ila kinaiya, intelihensya, kag tampad sa pag-alagad bilang tiglawas sang organisasyon sang Miss Universe, labaw pa sa ila pagpasundayag sa entablado.

Samtang, ang Miss Universe 2026 pageant ang natalana nga hiwaton sa Nobyembre 24, 2026, sa Puerto Rico, sa diin ang mga tiglawas halin sa nagkalainlain nga mga pungsod magapaindis-indis para sa ginahandum nga korona.

Nagabantay sing maayo ang mga pageant fans sa performance ni Bea sa palaabuton nga mga hilikuton, samtang ang tanan nga mga kandidata nagapadayon sang ila mga pagpreparar para sa preliminary competition kag sa ginahulat nga evening coronation.