Nag-abot na saa pungsod ang 21 ka Filipino seafarers nga sakay sang barko nga gin-atake sang mga Houthi rebels.
Suno sa Department of Migrant Workers (DMW), 21 sa 22 ka Pinoy seafarers sang MV Tutor ang natigayon kag nag-abot na sa Port of Manama.
Gin-sugata sila ni Philippine Ambassador to Bahrain Anne Jalando-on Louis kag DMW Labor Attaché Hector Cruz.
Madumduman nga sang nagligad nga Miyerkules gin-atake sang mga Houthi rebels ang Liberia-flagged coal carrier samtang nagalayag sa Red Sea.
Padayon man nga gina-pangita sang mga otoridad ang nabilin nga Filipino crewman nga ginapatihan nga na-trap sa engine room sang barko.
Una na nga ginmandu ni Pangulong Ferdinand Marcos Jr sa tanan nga concerned government agencies nga ipauli ang mga Filipino seafarers nga luwas nga nagresulta sa pag-rescue sa 21 ka marino samtang nagapabilin ang isa pa sa barko.
