KORONADAL CITY – Nagapreparar na sang contingency plan ukon response plan ang tagsa ka Local Government Unit (LGU) antes pa man magluntad ang disaster.
Ini ang ginpasiguro sang Office of the Civil Defense Region 12.
Suno kay OCD-12 Information officer Jorie Mae Balmediano, subong pa lamang naka-set-up na ang mga coordination mechanism sa pag-abot sang disaster kasubong na lamang sang paghibalo kun sa diin nahamtang ang evacuation sites, pila ang mga residente nga apektado kag ano ang mga lugar nga posible nga maapektuhan.
Magluwas sini, ginapapreparar naman ang tagsa ka pamilya sang “Emergency Go Bag” agud mangin handa sa tanan nga tion..// Dugang pa ni Balmediano nga nagpatigayon na sang capability building training sa tagsa ka disaster response team agud mangin handa ang mga ini sa pagsabat.
Samtang, may mga short term kag long term solusyon man nga ginahatagan emphasis sa pagsolbar sang disaster kag ini ang ginapahangop man sa tagsa ka LGU kag mga katawhan.
Sa ulihi ang padayon nga information drive ang makabulig sang dako agud masalbar ang kabuhi sang sin-u-man nga mangin biktima sang kalamidad.
