Ginlaygayan ni Pope Francis si anay Senate President Juan Miguel “Migz” Zubiri nga protehiran ang iya pamilya.
Ini matapos nga nagpadulong ang anay nga Senate President sa Vatican sang Hunyo 5, kun diin nagpadulong sa Europa ang opisyal agud nga magbakasyon kaupod ang pamilya kag magpahuway anay sa pulitika.
Ginpakilala ni Zubiri sa Santo Papa ang iya nga pamilya kag nagbaton man sang blessing gikan sa 87-anyos nga pontiff.
Ang iya nga pagpahuway ang kasunod sang pagkakas sa iya bilang pangulo sang senado kun diin nakakuha sang boto si Zubiri nga 15 sa 24 ka mga senador.
Ginpakigbahin man ni Zubiri ang laygay sang Santo Papa sa iya matapos nga ginpaathag niya nga siya isa ka “pro-life and pro-family legislator” gikan sa Pilipinas.
Gindugang pa sang senador nga apisar bukas siya sa diskusyon nagapabilin ang iya pagpati sa ka-balaan sang kasal.
Nahibaluan nga nagpangamuyo sila para sa pungsod kag para sa mga lider nga masami magpamalandong kag maghimo sang tama.
Bug-os man ang tagipusuon niya nga magsunod sa hingyo sang Santo Papa.
