KORONADAL CITY – Dismayado ang pamilya sang Grade VI pupil nga napatay matapos nga ma-hit-and-run sa national highway Barangay Magon, Tantangan, South Cotabato.
Ini matapos nga temporaryo nga nahilway ang driver sang pick-up nga si Aguila Richard apisar nag-ako na ini nga siya ang nakabangga bangud wala nakafile sang kaso ang pamilya sa sulod sang 24-oras.
Suno kay Tatay Meng, ginpanginwala una sang suspek nga siya ang nakabangga sa bata apang pagkahapon gin-ako sini ang nahimo nga krimen.
Ginpahayag man ni Ma’am Raida nga dako ang bulig sang witness nga best friend kag pakduha ni Khurk para mapadali ang pag-ako sang suspek saiya nga sala.
Sa una nga bersyon sang pahayag sang suspek nga si Richard Aguila, tatlo suno pa sila nga ang nagasundanay nga salakyan kag ginatudlo ang isa ka black nga pick-up nga nakabangga sa biktima apang sa ulihi wala nagatugma ang statement sini sa resulta sang panibag o nga CCTV footage nga nahibaluan sang mga kapulisan.
Nahibaluan nga nakig-areglo ini sa pamilya sang biktima para baydan ang damyos apang subong nga adlaw nagpahayag ini nga indi siya magbayad kag pasakaan na lamang siya sang kaso.
Sa karon, temporaryo nga nahilway ang driver apang pursigido ang pamilya nga pasabton ini sa iya nga sala.
